مشكله عائلية الحلقه 6 للكاتب عادل عبد الله

اصبر اسبوعين تلاته
وليد وا نت ناوي تعمل ايه يا ادهم
ادهم لسه مش
عارف بس البارح حلمت بيها و قومت و كنت هروحلها .
وليد أوبااا بقي ايوه يا زميلي و بعدين
ادهم روحت فعلا و خبطت علي اوضتها مفتحتش فرجعت و نمت .
وليد يا خيبتك .
ادهم بطل يا بني انت عامل زي الشيطان اللي بيوسوس لي .
وليد ربنا يسامحك يعني انا غلطان اني بدلك علي الصح علشان متشلش ذنب !
ادهم والله انا مقتنع و كنت عايز اخرج من الموضوع كله لكن هو مش مديني الفرصة .
وليد يبقي تعمل اللي حلمت به بالليل علشان يكون ضميرك مرتاح .
ادهم انا خاېف ليكون اللي بفكر فيه ده و اخسر داليا مراتي و اخوها اللي وثق فيا .
وليد انت في موقف صعب وانا قولتلك افضل و اصح الحلول .
في منزل اهل دعاء
دعاء صباح الخير يا ماما .
الام صباح الفل يا قلب ماما .
دعاء فطرتي و لا لسه
الام مستنياكي عارفة انك جاية النهاردة قولت استناكي .
دعاء طيب يلا بقي علشان جعانة اوي .
بعد الفطور تجلس دعاء و والدتها يحتسون الشاي .
الام طمنيني عليكي عاملة ايه و اللي اسمه ادهم ده عامل ايه معاكي
دعاء انا كويسة و ادهم ابن حلال مشوفتش منه حاجة وحشة لحد دلوقتي .
الام و الله يا بنتي انا مش مصدقة ان واحد يكون في مكانه و يكون بالاخلاق دي !!
دعاء هو انسان محترم و عنده اخلاق ده غير انه بيحب داليا مراته جدا .
الام و ده ماله و مال الاخلاق و حبه لمراته ده جواز علي سنة الله و رسوله و لا فيه حاجة ضد الاخلاق و لا فيه خېانة .
دعاء قوليلي يا ماما .
الام نعم يا عين امك .
دعاء ايوه لكن جوازنا كان بشرط
الام اهو هو الشرط ده الصراحة يا بنتي انا مش عايزاكي ترجعي لمروان تاني و لو مصممة ترجعيله يبقي لازم جوازك من ادهم يبقي هدف علشان لما تطلقي منه ترجعي لز فت مروان تاني هو ده اللي اعرفه و اللي ضميري بيقولي انه صح .
رواية_مشكلة_عائلية
للكاتب_عادل_عبد_الله
فضلا و ليس امرا تفاعل مع البوست حتي تصلك باقي اجزاء القصة المٹيرة .